Sahibkarlara yeni etiket tələbləri: Vaxt 2027-yə qədərdir

2027-ci il yanvarın 1-dən etibarən məhsul etiketləri yeni tələblərə uyğunlaşdırılacaq. Bu tarixdən etibarən sahibkarlar məhsullarının etiketlərində allergen maddələr barədə məlumat verməlidirlər. Məqsəd istehlakçı hüquqlarının qorunması və allergiyası olan şəxslərin məlumatlı seçim etmələrinə şərait yaratmaqdır.

Minval.info xəbər verir ki, allergiyaya səbəb ola biləcək qida məhsulları siyahısına qlütenli taxıllar, süd və süd məhsulları, dəniz məhsulları, yumurta, yer fındığı və onlardan hazırlanan məhsullar, eləcə də çərəzlər daxildir. Bu məhsulların etiketlərində allergen maddələrin göstərilməsi məcburi olacaq.

Qeyd edək ki, dünya əhalisinin 2,5 faizi qida allergiyasından əziyyət çəkir. Bu yeni tələblər istehlakçıların sağlamlığını qorumaq məqsədi daşıyır və məhsul alarkən daha məlumatlı seçim etmələrinə imkan yaradacaq.