Rusiyada yeni səfərbərlik şayiələri təkzib edildi

Rusiya Dövlət Dumasının Müdafiə Komitəsinin üzvü Andrey Kolesnik, ölkədə yeni səfərbərliyə hazırlıq aparılmadığını açıqlayıb. O, səfərbərliklə bağlı yayılan məlumatların şayiə olduğunu vurğulayaraq, vətəndaşları bu cür xəbərlərə inanmamağa çağırıb.

Minval.info xəbər verir ki, Kolesnik, belə məlumatların cəmiyyətdə panika yaratmaq məqsədi daşıdığını bildirib. Deputat, şayiələrə görə ölkəni tərk etmək istəyən insanları qınamaq əvəzinə, onlara vəziyyətin izah edilməsinin və məlumatlandırma işinin gücləndirilməsinin vacibliyini qeyd edib.

O, həmçinin Rusiya Silahlı Qüvvələrinin komplektləşdirilməsi ilə bağlı hazırkı tapşırıqların hərbi komissarlıqlar tərəfindən yerinə yetirildiyini və bu səbəbdən səfərbərliyə ehtiyac olmadığını əlavə edib. Kolesnikdən əvvəl Dövlət Dumasının digər deputatı Viktor Sobolev də səfərbərlik elan edilməyəcəyini bildirmişdi.