Rusiyada koronavirusdan gündəlik ölüm sayı növbəti dəfə rekordu yeniləyib

Rusiyada koronavirusa gündəlik yoluxma ilə bağlı iyul ayından sonra ən yüksək göstərici qeydə alınıb, eyni zamanda ölüm halları dördüncü gün ard-arda rekord vurub.

Minval.info-nun məlumatına görə, oktyabrın 1-da Rusiyada 887 nəfər vəfat edib.

Buna qədər ən yüksək göstərici, 867 ölüm sentyabrın 30-da qeydə alınmışdı. Bugünədək Rusiyada koronavirusdan ölənlərin sayı 208 142 nəfərə çatıb.

Eyni zamanda, ötən gün Rusiyada 24 522 yeni yoluxma qeydə alınıb. Ölkədə yoluxanların sayı 7,53 milyon nəfəri ötüb.