Ronaldo və Roberto Karlos klub alır

Braziliya futbolunun əfsanələri Ronaldo və Roberto Carlos “İnternasional Limeyra” klubunu satın almağı planlaşdırırlar.

Minval.info xəbər verir ki, hazırda sözügedən komanda Braziliya çempionatının üçüncü divizionunda mübarizə aparır.

Məlumata görə, layihənin əsas təşəbbüskarlarından biri Roberto Karlosdur. Onun məqsədi yalnız kluba investisiya yatırmaq deyil, həm də Braziliyada əyalət futbolunun inkişafına dəstək verməkdir.

Roberto Karlos bildirib ki, bölgə klublarını daha yaxından tanımaq, onlara sponsorların cəlb edilməsinə kömək etmək və vaxtilə malik olduqları rəqabət səviyyəsinin bərpasına töhfə vermək niyyətindədir.