“Real” Ronaldonun gedişi ilə itirdi, onun kimi oyunçular dünyaya 200 ildə bir gəlir”

"Real" Ronaldonun gedişi ilə itirdi, onun kimi oyunçular dünyaya 200 ildə bir gəlir"

“Real”ın keçmiş hücumçusu Emmanuel Adebayor Çempionlar Liqasının 1/8 final mərhələsinin cavab görüşləri çərçivəsində “Mançester Siti” ilə oynanılacaq qarşılaşma ərəfəsində Madrid klubunun şanslarını dəyərləndirib.

Fanat.Az AS-a istinadən xəbər verir ki, Adebayor “Real”ı “Yuventus”a dəyişən Kriştianu Ronaldunun yoxluğuna diqqət çəkib:

“İki il əvvəl məndən bu barədə soruşsaydınız, “hə” deyərdim. Kriştianu heyətdə olsa, “Real”ı favorit adlandırmaq olardı. O, “qol maşını”dı. Ronaldu hər an oyunun taleyini həll edə bilir. Mövsüm başına 50 qol vuran birindən danışıram.

“Real” evdə 1:2 hesabı ilə uduzdu. Növbəti mərhələyə keçmələri çətin olacaq, amma bu, mümkünsüz deyil. Onların Kərim Benzema, Marselo və Tibo Kurtua kimi təcrübəli futbolçuları var. Bununla yanaşı, “Real” belə böyük oyunlar keçirməyə alışıb.

“Real” Ronaldunun gedişi ilə itirdiyini başa düşür. Yəqin ki, onun səviyyəsində başqa bir futbolçu tapacaqlarını düşünürdülər. Amma Ronaldu kimi oyunçular dünyaya 200 ildə bir gəlir”.

“Mançester Siti” – “Real” matçı avqustun 7-də oynanılacaq.

Bu xəbəri paylaş:

Link yaddaşa kopyalandı!