“Real” Neymarı almaq üçün kredit götürdü

Madrid “Real”ının prezidenti Florentino Peres “PSJ”nın hücumçusu Neymarı transfer etmək üçün kredit götürüb.

Bu haqda “Lenta.ru” İspan mətbuatına istinadən xəbər verir.

Peresi maliyyə strukturlarından kredit götürməyə uğursuz transferlər vadar edib. Bildirilir ki, borca pul götürən “Real” Neymarı sıralarına qatmağa tam hazırdır.

“Kral klubu” puldan başqa “PSJ”yə xorvatiyalı yarımmüdafiəçi Luka Modriçi də təklif edir. Bundan əlavə, Neymara möhtəşəm şəxsi kontrakt da təklif olunub: braziliyalı “Real”da hər mövsümdə 40 milyon avro, ümumilikdə isə 200 milyon avro qazana bilər.