Ramil Quliyevdən daha bir uğur

Türkiyə milli komandasının əslən azərbaycanlı atleti Ramil Quliyev növbəti medalını qazanıb.

“Report”un məlumatına görə, 29 yaşlı idmançı İsveçin paytaxtı Stokholmda keçirilən Brilliant Liqasının üçüncü mərhələsində gümüş medal qazanıb.

O, 200 metr məsafəyə 20,40 saniyəyə qaçıb. Quliyev ötən il eyni yarışda 19,22 saniyə ilə birinci yeri tutmuşdu.

Qeyd edək ki, Ramil Quliyev Türkiyə yığmasının heyətində 2017-ci ildə dünya, 2018-ci ildə isə Avropa çempionu olub.