Türkiyə çempionu “Qalatasaray”ın oyunçusu karyerasını Ərəbistanda davam etdirə bilər.

AzxeberSport “Goal” nəşrinə istinadən xəbər verir ki, İstanbul təmsilçisinin mərakeşli 10 nömrəsi Yunis Belhanda karyerasını Ərəbistanda davam etdirə bilər. “Əl-Hilal” klubun baş məşqçisi Razvan Luçeskunun “Əl Riyad” nəşrinə olan müsahibəsində deyib:

Növbəti mövsümdə Belhandanı komandamda görmək istəyirəm. O, çox bacarıqlı oyunçudur. Türkiyədəki performansı ilə həm 10 həmdə 8 nömrə mövqeyində uğurlu çıxış edə bildiyini sübut etdi. Oyunçu gəncdir. Əgər “Qalatasaray” onu satmaq istəsə ilk olaraq biz təklif göndərəcəyik.

Türkiyə təmsilçisi də oyunçunun satılmasında maraqlıdır. Buna səbəb Belhandanın yüksək maaşı və azarkeşlərin onun performansından tam razı olmamasıdır.

Qeyd edək ki, Belhanda İstanbul nəhəngində 69 rəsmi matçda 10 qol vurub.