Qusarda icra məmuru və həyat yoldaşı işdən çıxdı

Qusar Rayon İcra Hakimiyyətinin Ərazi-təşkilat və ictimai-siyasi məsələlər şöbəsinin Ərazi-təşkilat məsələləri sektorunun müdiri Eldar Hacıbalayev, icra başçısı Sahir Məmmədxanovun əmri ilə vəzifəsindən azad edilib. Minval.info xəbər verir ki, Eldar Hacıbalayevin vəzifəsindən azad edilməsindən sonra onun həyat yoldaşı, Quba-Xaçmaz Regional Mədəniyyət İdarəsinin Qusar Mədəniyyət Sektorunun müdiri Elvira Hacıbalayeva da öz ərizəsi ilə vəzifəsindən ayrılıb.

Quba-Xaçmaz Regional Mədəniyyət İdarəsi Elvira Hacıbalayevanın öz ərizəsi ilə işdən ayrıldığını təsdiqləyib. Məlumata görə, Elvira Hacıbalayeva ötən gün kollektivlə vidalaşıb.