Qusarda hasarın aşması nəticəsində yaralanan uşaqların son durumu açıqlandı

Tibbi Ərazi Bölmələrini İdarəetmə Birliyi (TƏBİB) Qusarda hasarın aşması nəticəsində xəsarət alan uşaqların son durumunu açıqlayıb.

TƏBİB-in mətbuat katibi Rəvanə Əliyeva “Report”un sorğusuna cavab olaraq bildirib ki, hadisə zamanı xəsarət alan 2010-cu il təvəllüdlü Ramal Şeydayev döş qəfəsinin küt travması, pnevma-hematoroks, 2014-cü il təvəllüdlü Gülay Şeydayeva qarın nahiyəsinin küt travması ilə Qusar Rayon Mərkəzi Xəstəxanasına çatdırılıb.

“Hər iki azyaşlı əməliyyat olunub və hazırda onların vəziyyəti stabil-ağır olaraq qalır”, – TƏBİB sözçücü deyib.

Onun sözlərinə görə, hadisə nəticəsində dünyasını dəyişən 2012-ci il təvəllüdlü A.Əlisultanovun meyiti ekspertiziya göndərilib.