Qızılqaya Təlim Mərkəzində hərbi texnika sərgisi keçirilib

Azərbaycan Respublikası Müdafiə Nazirliyi tərəfindən təşkil edilən “Birliyin Gücü-2026” hərbi təlimi çərçivəsində Qızılqaya Təlim Mərkəzində silah və hərbi texnika sərgisi keçirilib. Bu sərgidə müxtəlif təyinatlı silahlar və hərbi texnika nümunələri təqdim olunub.

Minval.info xəbər verir ki, sərgidə 152 mm-lik “MSTA-S” özüyeriyən artilleriya qurğusu xüsusi diqqət çəkib. Bu qurğu düşmənin açıq və örtülü sığınacaqlarında yerləşən qüvvələrinin və texnikasının məhv edilməsi üçün nəzərdə tutulub. Qurğunun döyüş çəkisi 42 ton, maksimal atış məsafəsi isə 24,7-29 kilometrdir.

Bundan əlavə, 152 mm-lik “DANA-M1” artilleriya qurğusu da sərgidə nümayiş etdirilib. Bu sistem düşmənin müdafiə qurğularına və artilleriya bölmələrinə qarşı istifadə üçün nəzərdə tutulub. Onun maksimal atış məsafəsi 18,7-25,5 kilometrdir.

Hərbi qulluqçumuz Ermənistan ərazisində saxlanılıb

ƏLAQƏLİ

Bunu da oxu

Hərbi qulluqçumuz Ermənistan ərazisində saxlanılıb

01.10.2026 - 19:26

Sərgidə KBRN təmizləmə dronu da təqdim edilib. Bu dron kimyəvi, bioloji, radiasiya və nüvə təhlükələrinə qarşı ərazilərin zərərsizləşdirilməsi üçün nəzərdə tutulub. Dronun uçuş müddəti 70 dəqiqədir.

220 mm-lik “TOS-1A” ağır odsaçan sistemi də sərgidə nümayiş etdirilən texnikalar arasında yer alıb. Bu sistem yüksək temperatur və təzyiq dalğası ilə düşmənin qüvvə və texnikasını məhv edə bilir.

“Xrizantema-S” özüyeriyən tankəleyhinə raket kompleksi də sərgidə diqqət çəkən digər bir texnika olub. Kompleksin zirehdəlmə qabiliyyəti 1 100 mm-dir və atış məsafəsi 400 metrdən 6 kilometrədəkdir.