Kambocadakı qadın sosial media istifadəçiləri bikinili fotoşəkillərini paylaşaraq petisiya kampaniyasına başlayıblar.

Yenisabah.az xəbər verir ki, burada məqsəd insanların ictimai olaraq necə geyinmələri ilə bağlı qaydaları özündə cəmləşdirən qanun layihəsinə etiraz etməkdən ibarət olub.

Qeyd edək ki, Kamboca ənənələrini qorumaq üçün hazırlandığı iddia edilən qanun layihəsinə görə, qadınlar “çox qısa” və ya “çox transparan” paltar geyə bilməyəcəklər. Gələn il qüvvəyə minəcəyi gözlənilən qanun, parlament və nazirlik tərəfindən təsdiqlənsə, kişilərin də üst geyimsiz küçəyə çıxması qadağan olunacaq.