Qarabağdakı xunta rejimini müdafiə edən məhbusdan XƏBƏR var

Ermənistanda həbs edilən Tatevik Virabyan dünən yenidən huşunu itirib.

Musavat.com bildirir ki, bu barədə onun vəkili Arsen Babayan məlumat verib.

Vəkil bildirib ki, hazırda onun vəziyyəti stabildir. Onun sözlərinə görə, müvəkkilinin ilk huşunu itirməsi oktyabrın 15-də Abovyan cəzaçəkmə müəssisəsində baş verib.

Xatırladılır ki, oktyabrın 19-da Apellyasiya Məhkəməsinin hakimi Rubik Mxitaryan vəkillərin Tatevik Virabyanın həbsi ilə bağlı şikayətini təmin etməyib.

Virabyan sentyabrın 19-da İrəvanın mərkəzində Qarabağdakı xunta rejiminin müdafiəsi üçün keçirilən mitinqdə nəzarətə götürülüb. Polis onun polisə tabe olmadığını, iğtişaşlarda iştirak etdiyini və sosial şəbəkələrdə zorakılığa çağırış etdiyini iddia edir.

Tatevik Virabyan Qarabağdan köçüb, onun qardaşı Gevorq Virabyan müharibədə məhv edilib. İki azyaşlı övladına nənəsi baxır.

Bundan əvvəl vəkil Tatevik Virabyanın “yeganə qadın siyasi məhbus” olduğunu bildirmişdi.

“Ümumiyyətlə, həbs ən azı Cinayət-Prosessual Qanun baxımından qanunsuzdur, çünki həbs üçün heç bir əsas yoxdur. Üstəlik, həbs qanunsuz baş verib”, – vəkil vurğulayıb.

Musavat.com