“Qalatasaray”dan gedəcək 4 müdafiəçi müəyyənləşib
Koronavirus pandemiyası ilə əlaqədar Super Liqaya verilmiş fasilədən yararlanan “Qalatasaray” gələn mövsümün heyətini formalaşdırmağa başlayıb.
Apasport.az saytının məlumatına görə, baş məşqçi Fatih Terim mövsümün sonunda müdafiə xəttində təmizləmə işləri aparacaq.
Təcrübəli mütəxəssis, xüsusən də, cinah müdafiəçilərinin çıxışından məmnun deyil. O, sağ cinahda yer alan Mariano, Martin Linnes, Şener Özbayraklı və solda çıxış edən Yuto Naqatomonun xidmətinə ehtiyac duymur. O, cinah müdafiəçilərindən yalnız “Leypsiq”dən icarəyə götürülən Marselo Sarakkinin qalmasını istəyib.
Terim boşluğu kimlərlə dolduracağını da müəyyənləşdirib. Mövsümün sonunda “Olimpiakos”dan ayrılacaq Omar Elabdellaui və “Antalyaspor”lu Nazim Sanqare “cim-bom”un transfer siyahısındadır. Elabdellaui “sarı-qırmızılılar”la 1,5 illik maaş qarşılığında müqavilə bağlamağa hazırdır.
Qeyd edək ki, “Qalatasaray” mövsümün sonunda əksər əcnəbi futbolçuları ilə vidalaşmaq niyyətindədir.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Ailəsini də götürüb Əbu-Dabiyə getdi: Gürcü ilə döyüşmək üçün
Ronaldo və Jezuş arasında gərginlik: azarkeşləri narahat edən mübahisə
Azərbaycan güləşçiləri dünya çempionatında 3 gümüş medal qazanıblar
Ronaldo, Messi ilə rəqabətindən danışdı: Formula 1 əfsanələri kimi
Əfsanəvi boksçu Vilfredo Qomes 69 yaşında vəfat etdi
Cəmilə Muradlı Avropa çempionu adını qazandı
“Qalatasaray” – “Barselona” matçını italiyalı hakim idarə edəcək
