Putin niyə mobil telefondan istifadə etmir? – Peskov səbəbi AÇIQLADI

Rusiya Prezidenti Vladimir Putin administrasiya əməkdaşları ilə əlaqə saxlamaq üçün şəhər və ya mobil telefondan istifadə etmir.

Minval.info xəbər verir ki, bunu Kremlin mətbuat katibi Dmitri Peskov Life.ru-nun jurnalisti Aleksandr Yunaşevə müsahibəsində deyib.

Peskovun sözlərinə görə, dövlət başçısı bütün ünsiyyəti yalnız xüsusi mühafizə olunan rabitə kanalları vasitəsilə həyata keçirir.

O bildirib ki, məzuniyyət dövründə Prezident Administrasiyasının əməkdaşları da, bir qayda olaraq, həmin xüsusi rabitə kanallarından istifadə imkanına malik olmurlar.

Kreml sözçüsü bunun təhlükəsizlik tələblərindən irəli gəldiyini vurğulayıb.