Paşinyan: Ermənistan Rusiyanı strateji müttəfiq saymır

Ermənistan Baş naziri Nikol Paşinyan, 2026–2031-ci illər üçün hökumət proqramında Rusiyanın strateji müttəfiq kimi qeyd olunmamasına dair açıqlama verib. O, bu qərarın 2022-ci ilin sentyabrında baş verən hadisələrdən sonra alındığını bildirib. Paşinyan, Ermənistanın Rusiyanı günahlandırmadığını və öz mövqeyini açıq şəkildə ifadə etdiyini vurğulayıb.

Minval.info xəbər verir ki, Paşinyan, “Əgər mən strateji tərəfdaşlıqdan danışsaydım, siz soruşardınız ki, Rusiya və KTMT 2022-ci ildə müqavilə üzrə öhdəliklərini niyə yerinə yetirmədi? Mən buna nə cavab verərdim?” deyə sual edib. O, Ermənistanın öz mövqeyini açıq və şəffaf şəkildə ifadə etdiyini, başqalarının mövqeyinə hörmətlə yanaşdığını və eyni münasibəti qarşı tərəfdən də gözlədiyini qeyd edib.