Özbək gəlin 4 milyonluq qızıllarla yoxa çıxdı

Aydının Milas rayonunun Çomakdağ Kızılağaç məhəlləsində nadir bir beynəlxalq dələduzluq hadisəsi baş verib. Özbəkistan əsilli Mamora Burxanova adlı gəlin, toy mərasimində ona taxılan təxminən 4 milyon manat dəyərində qızıl-zinət əşyalarını götürərək yoxa çıxıb.

Minval.info xəbər verir ki, Türkiyənin müxtəlif bölgələrindən məşhur pəhləvanların iştirak etdiyi və əsrlərdir davam edən gecə güləşi ənənəsinin keçirildiyi məhəllədə üç gün, üç gecə davam edən toy mərasimi ilə ailə quran gəlin səhər saatlarında evdən çıxıb və izini itirib.

Səhər saatlarında gəlini və milyonlarla manat dəyərində qızılları tapa bilməyən Ateşoğlu ailəsi böyük şok yaşayıb. Ailə, sonradan təşkil olunmuş saxta gəlin dələduzluğunun qurbanı olduqlarını anlayıb və hadisə ilə bağlı polisə və Respublika Baş Prokurorluğuna müraciət edərək şikayət ərizəsi verib. Özbəkistan əsilli Mamora Burxanovanın tapılması üçün axtarışlar davam edir.