Nicat Rəhimov: "Obraz tələb edirsə, qadın geyimi də geyinərəm"

Aktyor Nicat Rəhimov səsləndirdiyi fikirlərlə diqqət çəkib.

Minval.info xəbər verir ki, sənətçi iştirak etdiyi verilişdə obraz naminə qadın geyimində səhnəyə çıxmasına münasibət bildirib.

Rəhimov aktyor peşəsinin tələblərinə uyğun hərəkət etdiyini vurğulayaraq, bu cür rolların onun üçün problem yaratmadığını deyib.

“Bizə yaraşır, geyinirik. Başımıza çox şey gəlir. Aktyoramsa, geyinmişəm, geyinirəm, geyinəcəyəm də. Obraz tələb edirsə, niyə də yox?” – deyə o bildirib.

Veriliş zamanı aktyora “Qadın olsaydınız, ilk nə edərdiniz?” sualı da ünvanlanıb. Nicat Rəhimov isə “İki uşaq dünyaya gətirərdim. Amma uşağa baxmaq çox çətindir. Evdə bunu görürəm” cavabını verib.

Qeyd edək ki, Nicat Rəhimov Ülviyyə xanımla ailəlidir. Cütlüyün Mehriban adlı bir qız övladı var.