“Neftçi” futbolçusu Baqali Dabonun “Qarabağ”ın formasında şəkil çəkdirməsi və həyat yoldaşının bunu sosial şəbəkədə paylaşması ilə bağlı açıqlama yayıb.

Məlumatda bildirilir ki, klub rəhbərliyi fransalı hücumçunun davranışından xəbərdardır və onun qəbuledilməz hərəkətinə görə müvafiq tədbirlər görüləcək:

“Rəhbərlik futbolçunun klubun imicinə ciddi şəkildə xələl gətirdiyini bilir. Hüquqi çərçivədə addımlar atılacaq və ictimaiyyətə bununla bağlı məlumat veriləcək”.