"Neftçi"nin yeni məşqçisi açıqlandı - RƏSMİ

“Neftçi” PFK-nın məşqçilər korpusuna yeni təyinat olub.

Minval.info xəbər verir ki, Vadar Nuriyev əsas komandada köməkçi-məşqçi vəzifəsinə təyin edilib.

Bu barədə paytaxt klubunun rəsmi saytı məlumat yayıb. 47 yaşlı mütəxəssislə 1 illik müqavilə imzalanıb.

Qeyd edək ki, 1998-2001-ci illərdə “Neftçi”nin heyətində 46 oyun keçirmiş Vadar Nuriyev 1999-cu ildə Azərbaycan kubokunun qalibi olub. 2018-ci ildə əvəzedici komandanın baş məşqçisi olmuş Nuriyev “İnter”in əvəzedici və U-19 komandalarında, eləcə də “Olimpik-Şüvəlan”ın əvəzedicilərində baş məşqçi, 19 yaşlılardan ibarət Azərbaycan millisində, AZAL, MOİK və “Keşlə” klublarında isə baş məşqçinin köməkçisi vəzifəsində çalışıb.