Nahar vaxtı arıqlamağa təsir edir: Araşdırma

Arıqlamaq istəyənlər üçün naharın vaxtı əhəmiyyətli rol oynaya bilər. Araşdırmalar göstərir ki, naharını saat 15:00-dan əvvəl edən şəxslər, daha gec nahar edənlərlə müqayisədə çəkilərini daha sürətli və davamlı şəkildə azaldırlar. Mütəxəssislər bu nəticəni orqanizmin bioloji saatı ilə əlaqələndirirlər. Sirkad ritmləri maddələr mübadiləsi və digər fizioloji proseslərə təsir edir.

Minval.info xəbər verir ki, başqa bir araşdırmada, əsas yeməyini saat 16:30-da yeyən şəxslərin qanda qlükozanın tənzimlənməsi, saat 15:00 radələrində nahar edənlərlə müqayisədə daha zəif olmuşdur. Lakin, naharı erkən saata keçirmək təkbaşına arıqlamağa zəmanət vermir. Çəkiyə qidaların ümumi kalorisi, tərkibi, fiziki aktivlik və yuxu rejimi də təsir edir.

Mütəxəssislər gündəlik qidalanmada zülal, mürəkkəb karbohidratlar, tərəvəz və meyvələrə üstünlük verməyi, şəkər və yüksək dərəcədə emal olunmuş məhsulların qəbulunu isə məhdudlaşdırmağı tövsiyə edirlər. Beləliklə, imkan olduqda əsas gündüz yeməyini 15:00-dan əvvəl qəbul etmək çəkiyə nəzarət baxımından daha əlverişli seçim ola bilər. Lakin bu, arıqlamaq üçün təkbaşına effektiv üsul kimi qiymətləndirilməməlidir.