Moskva-İrəvan münasibətlərinə təhlükə: Zaxarovadan xəbərdarlıq

Rusiya Xarici İşlər Nazirliyinin rəsmi nümayəndəsi Mariya Zaxarova, Metsamor Atom Elektrik Stansiyasının (AES) regionun təhlükəsizliyinə təhdid yaratması ilə bağlı iddiaların Moskva ilə İrəvan arasındakı münasibətləri pisləşdirmək məqsədi daşıdığını bildirib.

Minval.info xəbər verir ki, Zaxarova bu cür məlumatların Rusiya-Ermənistan əməkdaşlığında parçalanma yaratmaq və Rusiyanın iştirakı ilə təşəbbüslərin inkişafına mane olmaq cəhdləri kimi qiymətləndirildiyini vurğulayıb.

O, əlavə edib ki, bu iddialar region üçün həqiqətən dağıdıcı olan Qərb layihə və texnologiyalarının təşviqinə xidmət edir. Metsamor AES, Ermənistanın enerji balansında sistem əhəmiyyətli rol oynayır və ölkədə istehsal olunan elektrik enerjisinin təxminən 30 faizini təmin edir. Beynəlxalq Atom Enerjisi Agentliyi (MAQATE) də stansiyanın etibarlılığını təsdiqləyib və hazırda Rusiya və Ermənistan mütəxəssisləri stansiyanın istismar müddətinin 2036-cı ilədək uzadılması üçün tədbirlər həyata keçirirlər.