"Monako" Falkao üçün "Qalatasaray"dan istədiyi məbləği açıqladı - RƏSMİ

“Monako” “Qalatasaray”ın transfer etmək istədiyi Radamel Falkao ilə bağlı açıqlama verib.

Fanat.Az xəbər verir ki, knyazlıq təmsilçsinin vitse-prezidenti Oleq Petrov İstanbul klubunu ittiham edib və keçid üçün tələb etdikləri təzminatı açıqlayıb.

“Qalatasaray”ın nümayəndələri Fransaya gəlirlərsə, əvvəlcə futbolçu ilə yox, klubla görüşməlidilər. Bu işdə yeni ola bilərəm, amma bu hörmətsizliyi qəbul etmərəm. Falkao pulsuz getməyəcək. Onu çox istəyirlərsə, 5 milyon avro verəcəklər. Əks halda Falkao heç yerə gedə bilməz, “Monako” ilə müqaviləsini başa vuran və mövsümün sonunda azad agent kimi istədiyi yerə gedər” deyə Oleq Petrov bildirib.