Messi cərimə zərbələrində Jairlə bərabərləşdi

Lionel Messi, “İnter Mayami”nin argentinalı ulduzu, cərimə zərbələrindən vurduğu qolların sayını artıraraq daha bir əfsanəvi futbolçuya çatıb. 39 yaşlı hücumçu MLS-in müntəzəm çempionatında “Monreal”la qarşılaşmada iki dəfə cərimə zərbəsindən fərqlənib. Bu oyun “İnter Mayami”nin 7:1 hesablı qələbəsi ilə nəticələnib.

Minval.info xəbər verir ki, bu qollar Messinin karyerasında cərimə zərbəsindən vurduğu topların sayını 74-ə çatdırıb. Beləliklə, argentinalı futbolçu bu göstəricidə braziliyalı Jairlə ikinci pilləni bölüşür. Siyahının zirvəsində isə 78 qolla braziliyalı Marselinyo Karioka yer alır. Roberto Dinamite 73 qolla dördüncü, Juninyo Pernambukano isə 72 qolla beşinci sıradadır.

Messi 2026 MLS mövsümündə də yüksək məhsuldarlığı ilə diqqət çəkir. O, keçirdiyi 23 matçda 21 qol vurub və 10 məhsuldar ötürmə ilə yadda qalıb.