Meksikada dini mərasimdə partlayış: 10 ölü, 64 yaralı

Meksikanın Temascalçinqo bölgəsində dini mərasim zamanı baş verən partlayış faciə ilə nəticələnib. Santa-Mariya Kançesda ərazisində keçirilən tədbir zamanı kilsənin yaxınlığında saxlanılan pirotexniki vasitələrin partlaması nəticəsində 10 nəfər həyatını itirib, 64 nəfər isə yaralanıb. Ölənlər arasında iki uşaq da var. Yaralananlar arasında iki keşişin olduğu bildirilir.

Minval.info xəbər verir ki, partlayış nəticəsində kilsənin yaxınlığındakı divarlardan biri uçub. Hadisə yerinə dərhal xilasedicilər, yanğınsöndürənlər və tibbi briqadalar cəlb olunub. İlkin məlumata görə, pirotexniki vasitələr kilsənin anbar kimi istifadə olunan hissəsində saxlanılıb. Partlayışın dəqiq səbəbinin müəyyənləşdirilməsi üçün araşdırma aparılır.