Masazırda sakinlərin yol əzabı: “öz cibimizlə düzəltdiyimiz yolu dağıtdılar

Masazırda sakinlərin yol əzabı: "öz cibimizlə düzəltdiyimiz yolu dağıtdılar

Abşeron rayonunun Masazır qəsəbəsində, Niyazi küçəsi, 40 ünvanında yaşayan sakinlər yol şəraitindən narazılıqlarını bildirirlər. Onların dediyinə görə, icra hakimiyyəti su borularının yenilənməsi üçün qazıntı işləri aparıb.

Minval.info xəbər verir ki, bu işlərdən sonra yolların vəziyyəti daha da pisləşib. Sakinlər dəfələrlə müvafiq qurumlara müraciət etsələr də, problemin həlli üçün heç bir tədbir görülmədiyini iddia edirlər. “Öz vəsaitimizlə bu yolu düzəltmişdik, lakin hamısını dağıtdılar. Kimə müraciət edirsən, heç kim məsuliyyəti üzərinə götürmür. Belə yaşayış olar?!” – deyə sakinlərdən biri narazılığını ifadə edib.

Başqa bir sakin isə əlavə edib ki, “Boruları qoydular, amma qazıntı işlərini tamamlamadan getdilər. İki maşın yanaşı keçə bilmir. Biz öz cibimizdən xərc çəkib yolu düzəltmişdik, indi isə bərpa etmirlər.”