Market əməkdaşları kütləvi şəkildə zəhərlənib - AÇIQLAMA

Cəlilabad rayonunda “Green Store” marketinin əməkdaşları zəhərlənib.

Kütləvi zəhərlənmə kimyəvi məhluldan olub.

Səhiyyə Nazirliyindən Oxu.Az-a verilən açıqlamaya görə, ötən gün saat 17:00 radələrində 15 nəfər Cəlilabad Rayon Mərkəzi Xəstəxanasına zəhərlənmə diaqnozu ilə müraciət edib:

ƏLAQƏLİ

Bunu da oxu

Qonaqlara iylənmiş ətdən yemək verən "Çıraq Palace" ilə bağlı qərar verildi

20.10.2026 - 12:14

“Onlardan üçünün vəziyyəti orta-ağır olub. Digərləri ilkin tibbi yardımdan sonra evə buraxılıblar. Həmin üç nəfərin sonuncusu isə bu səhər artıq evə yazılıb. İlkin ehtimala görə, zəhərlənməyə səbəb təmizlik zamanı istifadə edilən kimyəvi maddə olub. Qeyd edək ki, müraciət edənlərin hamısı hadisə baş verən marketin əməkdaşlarıdır”.

Cəlilabad Rayon Prokurorluğundan bildirilib ki, fevralın 28-də şəhər ərazisində yerləşən “Green store” mağazası işçilərinin kimyəvi maddələrlə zəhərlənmələri faktı ilə bağlı araşdırma aparılır.

Baş vermiş hadisə ilə bağlı polis və prokurorluq orqanları əməkdaşlarının iştirakı ilə hadisə yerinə baxış keçirilib, baxış zamanı maddi sübutlar götürülüb, müvafiq ekspertizalar təyin olunub.

ƏLAQƏLİ

Bunu da oxu

İspaniyada güclü yağışlar ölümlə nəticələndi, dərslər təxirə salındı

19.10.2026 - 15:44

Hadisə ilə bağlı izahatlar alınıb, mağazada quraşdırılan müşahidə kameralarının videogörüntüləri götürülüb.