Mariya Şarapova karyerasını bitirdi

Məşhur tennisçi Mariya Şarapova karyerasını başa vurduğunu açıqlayıb.

Qaynarinfo xəbər verir ki, “Böyük Dəbilqə”nin 5 qat qalibi, dünyanın keçmiş 1 nömrəli raketka ustası bununla bağlı “Vanity Fair” jurnalında çıxan yazısında bildirib:

“Bildiyin yeganə həyatı necə geridə qoymaq, uşaqlıqdan məşq etdiyin kortlardan, sevdiyin, sənə göz yaşları və sevinc bəxş edən oyundan, ailəni, 28 ildir səni dəstəkləyən azarkeşləri tapdığın idman növündən necə uzaqlaşmaq olar? Bu, mənim üçün yenidir. Ona görə də bağışlayın. Tennis, “görüşənədək” deyirəm”.

Qeyd edək ki, Mariya Şarapova karyerası ərzində Qadın Tennnisçilər Assosiasiyasının (WTA) 39 turnirinin, o cümlədən, WTA-2014-ün yekun çempionatının qalibi olub. Şarapova fərdi mübarizədə 2012-ci il London Yay Olimpiya Oyunlarının gümüş mükafatçısıdır.