Mal ətinin qiyməti yüksəldi: İsmayıllıda alıcılar narahatdır

İsmayıllı rayonunda mal ətinin qiymətində artım müşahidə olunub. Son iki gün ərzində ət pərakəndə satışda bir manat bahalaşaraq 17 manatdan 18 manata yüksəlib.

Minval.info xəbər verir ki, qəssablar qiymət artımının satışlara da təsir etdiyini bildirirlər. Alıcılar da bu bahalaşmanı təsdiqləyərək, gündəlik alış-verişdə çətinliklər yaşadıqlarını qeyd edirlər.

Ət satıcıları, qiymət artımının əsas səbəbi kimi fərdi təsərrüfatlardan alınan diri heyvanların qiymətinin yüksəlməsini göstərirlər. Qəssabların sözlərinə görə, diri heyvanların alış qiymətindəki artım, mal ətinin pərakəndə satış qiymətinə də təsir edib.

ƏLAQƏLİ

Bunu da oxu

Saxara" salonunda SMM işçisi xadimə kimi çalışdırılır!

19.09.2026 - 13:40