Milli komandamızın və “Qarabağ”ın hücumçusu Mahir Emreli karyerasını Belçikada davam etdirə bilər.
Fanat.Az xəbər verir ki, bu barədə Belçikanın voetbalnieuws.be saytı məlumat yayıb.
İddiaya görə, ölkə çempionatda çıxış edən bir neçə klub 24 yaşlı hücumçu ilə maraqlanır. Həmin klubların adları açıqlanmasa da, hazırda “Vasland-Beveren”, “Zülte-Varagem”, “Standard”, “Sent-Trüden” və “Mexelen” kimi yüksək liqa təmsilçilərinin mərkəz hücumçu axtardıqları bildirilib.
Qeyd edək ki, daha əvvəl Türkiyənin “Beşiktaş” klubunun da Mahir Emrelinin xidmətində maraqlı olduğu ilə bağlı xəbər yayılıb. 24 yaşlı forvard bu mövsüm oynadığı 16 rəsmi matçda 9 qol vurub və 2 məhsuldar ötürmə edib.
