Məşhur nəşrdən Messi ilə bağlı şok iddia - Danışıqlar başladı

“Barselona”dan ayrılmaq qərarına gələn Lionel Messi ilə bağlı yeni iddia səslənib.

Fanat.Az xəbər verir ki, bu barədə Fransanın məşhur “L’Equipe” nəşri məlumat yayıb.

Qəzet iddia edir ki, “Yuventus” argentinalı ulduzu heyətinə qatmaq istəyir. Məlumata görə, Turin klubu futbolçunun atası Jorj Messi ilə danışıqlara başlayıb və tərəflər arasında ilk görüş baş tutub.

Messinin “Mançester Siti” ilə də danışıqlar apardığı deyilir. Ulduz futbolçu həmçinin PSJ-dən də təklif alıb, amma imtina edib.

Qeyd edək ki, “Yuventus”da Kriştianu Ronaldu da çıxış edir. Keçid baş tutsa, onlar eyni komandada oynaya bilər.