“Mənə təslim olsalar, onlara mahnı yazaram”

“Əgər musiqi cəhətdən mənə təslim olsalar, onları çox fərqli şəkildə təqdim edə bilərəm”.

Minval.info xəbər verir ki, bu sözləri “Rəngarəng” verilişində qonaq olan müğənni Elçin Cəfərov Şəbnəm Tovuzlu, Pərviz Bülbülə və Üzeyir Mehdizadə ilə bağlı sualı cavablandırarkən deyib.

“Mən istər Şəbnəm Tovuzlu, istər Pərviz Bülbülə, istərsə də Üzeyir ilə duet oxuya bilərəm. Çünki mən elə bir mahnı yazaram ki, orada bu adı çəkilən hər üç müğənnini fərqli şəkildə təqdim edə bilərəm. Pərvizi öz dəst-xəttinə uyğun təqdim edib, məsləhətləşərək maraqlı bir iş ortaya qoymaq olar. Üzeyirin də özünəməxsus tərzi var, sevilən ifaçıdır. Bu məsələdə mənim seçimlərimə təslim olsalar, ortaya uğurlu iş çıxara bilərəm. Şəbnəm Tovuzlu ilə duet oxuyaram”, – Elçin qeyd edib.