Lavrovdan gözlənilməz ifadə: “Paçan deyib, paçan eləyib”

Rusiyanın xarici işlər naziri Sergey Lavrov Alyaskada keçirilən beynəlxalq görüşlə bağlı danışarkən diqqət çəkən ifadə işlədib.

Minval.info xəbər verir ki, nazir Rusiyanın danışıqlardakı mövqeyini izah edərkən diplomatik üslubdan kənara çıxaraq kriminal aləmdə və küçə jarqonunda işlənən ifadəyə müraciət edib.

“Bizim vicdanımız təmizdir. Bilirsiniz, necə deyirlər, paçan sözü: paçan deyib, paçan eləyib. Biz dedik və hazırıq”, – deyə Lavrov bildirib.

Nazirin bu ifadəsi Rusiya mediası və ekspert dairələrində də diqqət çəkib. Şərhçilər hesab edirlər ki, Lavrov bu qeyri-adi bənzətmə ilə Moskvanın verdiyi vədlərə sadiq qaldığını vurğulamağa çalışıb.

Bununla yanaşı, rəsmi diplomatik çıxışda küçə jarqonundan istifadə olunması beynəlxalq ictimaiyyətdə də maraq doğuran məqamlardan biri kimi qiymətləndirilir.