Lavrov Ukrayna sualından belə yayındı

Filippinin paytaxtı Manilada keçirilən rəsmi görüşlər zamanı Rusiya və ABŞ rəsmiləri arasında Ukrayna mövzusu ilə bağlı maraqlı an yaşanıb.

Minval.info xəbər verir ki, Rusiyanın xarici işlər naziri Sergey Lavrov amerikalı həmkarı Marko Rubio ilə görüşü zamanı jurnalistin Ukraynadakı müharibə ilə bağlı sualını cavablandırmayıb.

Məlumata görə, RFE/RL nəşrinin müxbiri Lavrova münaqişənin həlli perspektivləri barədə sual ünvanlasa da, nazir cavab vermək əvəzinə jurnalistin görünüşünə münasibət bildirib.

Lavrov sualı cavablandırmaqdan yayınaraq, “Yaxşı saç düzümünüz var”, – deyə jurnalistin saç düzümünü tərifləyib. Bununla da o, Ukraynadakı müharibə ilə bağlı verilən suala birbaşa cavab verməyib.