Rusiya xarici işlər naziri Sergey Lavrov ABŞ prezidenti Donald Trampın sədrlik edəcəyi BMT Təhlükəsizlik Şurasının iclasına qatılacaq.
Oxu.Az “RİA Novosti”yə xəbər verir ki, bunu Rusiyanın BMT-dəki daimi nümayəndəsi Vasili Nebenzya deyib.
“Bəli, Lavrov iclasda iştirak edəcək”, – deyə o, jurnalistin sualına cavab olaraq bildirib.
Qeyd edək ki, sentyabrda BMT Təhlükəsizlik Şurasına ABŞ sədrlik edir. Tramp sentyabrın 26-da keçiriləcək toplantıya şəxsən sədrlik edəcəyini açıqlayıb. İclasda İranla bağlı vəziyyət müzakirə olunacaq.
