Krosna qrupunun solistinin faciəvi sonu: Dənizdə həyatını itirdi

Krosna musiqi qrupunun solisti Seymur Allahverdiyev faciəvi şəkildə həyatını itirib. 1996-cı il təvəllüdlü gənc sənətçinin cəsədi Xəzər rayonunun Buzovna qəsəbəsində, xilasetmə məntəqəsindən təxminən 2 kilometr uzaqlıqda, nəzarətsiz dəniz sahəsində tapılıb.

Minval.info xəbər verir ki, Seymur Allahverdiyevin cəsədi dalğıclar tərəfindən sudan çıxarılaraq müvafiq orqanlara təhvil verilib. Onun vəfatı ilə bağlı xəbəri Krosna qrupu ilə əməkdaşlıq edən bloqer Ləman Rüstəmi də sosial media hesabında təsdiqləyib.