Kristiano Ronaldonun rekordu yeniləndi

Portuqaliyanın “Sportinq” klubunun futbolçusu Joelson Fernandeş İtaliya “Yuventus”unda çıxış edən Kristiano Ronaldonun rekordunu yeniləyib. 

“Report”un məlumatına görə, hücumçu buna çempionatın XXIX turunda “Jil Visente” ilə matçda nail olub. Fernandeş 17 yaş 4 ay 3 günündə əsas komandada debüt edib.

Ronaldo isə “Sportinq”də İtaliya “İnter”inə qarşı 17 yaş 6 ay 9 günündə meydana çıxıb.

Qeyd edək ki, Kristiano Ronaldo “Sportinq”də 25 oyuna 3 qol vurub. O, 2003-cü ildə “Mançester Yunayted”ə keçib.