Ronaldo futboldan sonra nə ilə məşğul olacaq? – Ulduzun planları açıqlandı
Kriştiano Ronaldo, Portuqaliya millisinin və “Əl-Nəsr” klubunun məşhur futbolçusu, karyerasını bitirdikdən sonra həyatında nə edəcəyini açıqlayıb. 41 yaşlı ulduz, futbolun bitməsi ilə yaranacaq boşluğu müxtəlif fəaliyyətlərlə doldurmağı planlaşdırır.
Minval.info xəbər verir ki, Ronaldo, uzun illər davam edən futbol həyatının sona çatmasının böyük bir boşluq yarada biləcəyini düşünür. O, bu boşluğu yalnız bir fəaliyyətlə deyil, müxtəlif məşğuliyyətlərlə doldurmağı planlaşdırır. “Gələcəyim artıq planlaşdırılıb. Məni məşğul edəcək çoxlu işim var. Futbol böyük boşluq yarada bilər. Bu boşluğu tək bir şeylə deyil, müxtəlif yollarla doldurmaq lazımdır”, – deyə Ronaldo bildirib.
Portuqaliyalı futbolçu, futboldan sonra daha çox əylənmək, səyahət etmək və padel kimi sevdiyi idman növləri ilə məşğul olmaq istədiyini vurğulayıb. “Daha çox əylənmək, səyahət etmək, padelə baxmaq və oynamaq istəyirəm. Bu idmanı çox sevirəm. Həmçinin əldə etdiklərimdən – həyat yoldaşımla birlikdə qazandığımız uğurlardan zövq almağa davam edəcəyəm. Axı bütün bunlar 25 il davam edən böyük fədakarlıqların nəticəsidir”, – deyə Ronaldo qeyd edib.
Karyerası ərzində Ronaldo 5 dəfə “Qızıl top” mükafatına, 5 dəfə UEFA Çempionlar Liqasının qalibi, 2016-cı ildə Avropa çempionu və 2 dəfə Millətlər Liqasının qalibi olub.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
İlham Zəkiyev: "11 və 12-ci dəfə də Avropa çempionu ola bilərəm"
