Portuqaliya millisinin futbolçusu Kristiano Ronaldo İtaliyanın “Yuventus” klubundan ayrıla bilər. 

“Report”un məlumatına görə, bunu italiyalı jurnalist Pyetro Baltsano Prota iddia edib. O, 35 yaşlı hücumçunun cari mövsümün sonunda Turin təmsilçisini tərk etməyə yaxın olduğunu bildirib.

Tərəflərin mümkün ayrılma səbəbləri barədə məlumat verilməyib.

Qeyd edək ki, Kristiano Ronaldo 2018-ci ilin yayında 117 minyol avro qarşılığında İspaniyanın “Real Madrid” klubundan “Yuventus”a keçib. Portuqaliyalı forvardın müqaviləsi 2022-ci ildə başa çatır. Ronaldo cari mövsüm 32 oyunda meydanda olub, 25 qol və 9 məhsuldar ötürmə ilə yadda qalıb.