Kenan və Bergüzar 11 ildən sonra yenidən bir arada!

Türkiyənin məşhur aktyorları Kenan İmirzalıoğlu və Bergüzar Korel, 11 il aradan sonra yenidən bir serialda birlikdə rol alacaqlar. Onlar “Karadayı” serialından sonra “A.B.İ. (Aile Bir İmtihandır)” adlı yeni serialda bir araya gəlirlər.

Minval.info xəbər verir ki, serialın ilk mövsümündə əsas rollardan birini canlandıran Afra Saraçoğlu, hekayənin inkişafına uyğun olaraq layihədən ayrılıb. Onun yerinə baş rol üçün Bergüzar Korel ilə rəsmi müqavilə imzalanıb. Korel, Kenan İmirzalıoğlunun canlandırdığı Doğan obrazının keçmişindən gələn və onunla dərin əlaqələri olan bir tanışı canlandıracaq.

Yeni mövsümdə yalnız baş rol deyil, yaradıcı heyət də dəyişib. Serialın ssenarisi Ertan Kurtulan tərəfindən yazılacaq, rejissorluğu isə Yağız Alp Akaydın həyata keçirəcək. OGM Pictures tərəfindən istehsal olunan serialın ikinci mövsümünün çəkilişlərinə avqustun 22-də başlanması planlaşdırılır.