Kadırovdan Putinə şikayət olundu

Beynəlxalq hüquq müdafiə təşkilatları Rusiya prezidenti Vladimir Putini Çeçenistan Respublikasının rəhbəri Ramzan Kadırovun bəyanatlarını pisləməyə çağırıblar.

Oxu.Az-ın “Lenta.ru” saytına istinadən verdiyi məlumata görə, “Amnesty International”, “Human Rights Watch” və “Front Line” təşkilatları Putinə açıq məktub ünvanlayıblar.

Sözügedən təşkilatlar hüquq müdafiəçilərini terrorçu adlandıran və Çeçenistan ərazisinə buraxmayacağını deyən R. Kadırovun təhdidlərindən hiddətləndiyini bildiriblər. Onlar hesab edir ki, Kadırovun bəyanatında qeyri-qanuni addımlar atmaq niyyəti sezilir.