İsveçdən İspaniyaya sərt xəbərdarlıq: Miqrant leqallaşdırılması Avropanı böhrana sürükləyir?

İsveç Baş naziri Ulf Kristersson, İspaniyanın miqrantların leqallaşdırılması ilə bağlı qərarını kəskin şəkildə tənqid edib. Kristersson, bu proqramın Şengen zonasının bütövlüyü üçün təhlükə yarada biləcəyini vurğulayıb.

Minval.info xəbər verir ki, İsveç hökumət başçısı, İspaniyanın 1 milyondan çox miqrantı leqallaşdırmaq planını “çox pis fikir” adlandırıb. Onun fikrincə, bu təşəbbüs Avropa İttifaqına üzv ölkələr arasında ciddi narazılığa səbəb olub və digər Avropa ölkələrinin miqrasiya siyasətləri ilə ziddiyyət təşkil edir.

“Financial Times”ın məlumatına görə, İspaniyanın miqrasiya siyasəti, Almaniya, Danimarka və İtaliya kimi ölkələrin liderləri tərəfindən də tənqid edilib. İyul ayında Mərakeşdən olan on minlərlə miqrant, Şimali Afrikadakı İspaniyanın muxtar şəhəri Seutaya qeyri-qanuni yollarla keçib. Bu, İspaniya Ali Məhkəməsinin qanunsuz miqrantların dərhal ölkədən çıxarılmasını qadağan etməsindən sonra baş verib. Məhkəmə, miqrantların sığınacaq üçün müraciət etmə imkanının yaradılmasını tələb edib.

ƏLAQƏLİ

Bunu da oxu

İspaniyada qeyri-qanuni miqrant böhranı: Təhlükəsizlik üçün hərbi qüvvələr səfərbər oldu

10.08.2026 - 20:21

İspaniyanın xarici işlər naziri Xose Manuel Albares, avqustun 3-də Seutadakı bütün miqrantların ölkədən çıxarılacağını açıqlayıb.