İslandiya Aİ-yə yox dedi: Kitlər qalib gəldi

İslandiyada Avropa İttifaqına (Aİ) üzvlüklə bağlı keçirilən referendum gözlənilməz nəticə ilə yekunlaşıb. Referendumda iştirak edənlərin 52,8 faizi ölkənin Aİ-yə qoşulmasına qarşı səs verib.

Minval.info xəbər verir ki, bu nəticə həm İslandiya hökuməti, həm də Avropa İttifaqı üçün ciddi bir məğlubiyyət kimi qiymətləndirilir. Politoloq Tofiq Abbasovun fikrincə, referendumun nəticəsi islandiyalıların ənənəvi həyat tərzini, iqtisadi siyasətini və geosiyasi mövqeyini dəyişmək istəməməsi ilə əlaqədardır.

Tofiq Abbasov bildirib ki, İslandiya coğrafi xüsusiyyətləri və insanların düşüncə tərzi ilə fərqlənən bir ölkədir. Ada ölkələri, coğrafi mövqelərinə görə, xarici təsirlərdən nisbətən uzaq qalırlar və daxili işlərinə müdaxiləyə qarşı daha ehtiyatlı siyasət yürüdürlər. İslandiyanın böyük balıqçılıq donanması və kit ovu ilə bağlı özünəməxsus siyasəti var. Aİ-yə üzvlük bu sahələrdə ciddi fikir ayrılıqlarına səbəb ola bilər.