İşçilərə qısaldılmış iş saatı tətbiqi başladı

Əmək qanunvericiliyinə uyğun olaraq, bəzi işçi kateqoriyaları üçün qısaldılmış iş vaxtı tətbiq edilə bilər. Bu qərar işçinin yaşı, sağlamlıq vəziyyəti, əmək şəraiti və digər amillər nəzərə alınaraq qəbul edilir.

Minval.info xəbər verir ki, 16 yaşına çatmamış işçilər üçün həftəlik iş vaxtı 24 saatdan çox olmamalıdır. 16-18 yaş arası işçilər, I və II dərəcə əlilliyi olan şəxslər, hamilə qadınlar və yaşyarımadək uşağı olan analar, həmçinin 3 yaşına qədər uşağını təkbaşına böyüdən valideynlər üçün isə həftəlik iş vaxtı 36 saatdan artıq ola bilməz.

Bu qayda həmçinin fiziki, kimyəvi, bioloji və insan sağlamlığına zərərli digər ağır istehsalat amillərinin mövcud olduğu şəraitdə çalışanlara, eləcə də yüksək həssaslıq, həyəcan, zehni, fiziki və əsəb gərginliyi yaradan iş yerlərində çalışan şəxslərə də şamil edilir.