İranın raket hücumu: ABŞ bazasında ziyan var

İranın İordaniyada yerləşən ABŞ hərbi bazasına raket hücumu nəticəsində bir neçə hərbi təyyarə zədələnib. Hücum sentyabrın 9-na keçən gecə “Muvaffaq-Salti” aviabazasında baş verib. Zərbələr nəticəsində A-10 “Thunderbolt” hücum təyyarələrindən biri ciddi zədələnib və onun qanadlarından biri qopub. Bundan əlavə, səkkiz F-15 qırıcısına da yüngül ziyan dəyib və həmin təyyarələr sonradan yenidən istifadəyə qaytarılıb.

Minval.info xəbər verir ki, ABŞ qüvvələri hücumun qarşısını almaq üçün “Patriot” hava hücumundan müdafiə sistemlərindən 30-dan çox raket atıb. İordaniya tərəfinin məlumatına görə, hücum zamanı İrana məxsus 20 ballistik raketdən 18-i havada zərərsizləşdirilib, ikisi isə yaşayış olmayan ərazilərə düşüb. ABŞ rəsmiləri bazadakı son hücumla bağlı itkilərin olmadığını bildiriblər.