İranda qadınların stadionda futbola baxmasına icazə verildi, amma...

İranda qadınların stadionlarda futbol matçlarını izləmələrinə icazə verilib.

“Qafqazinfo” xəbər verir ki, bu barədə ölkənin İdman və Gənclər nazirinin müavini Cəmşid Tağızadə məlumat verib.

Onun sözlərinə görə, qadınların oktyabrın 10-da Tehranın “Azadi” stadionunda İran və Kamboca milli komandaları arasında keçiriləcək oyunu izləmələrinə icazə verilib.

İcazənin növbəti oyunlara şamil edilib-edilməyəcəyi sual olaraq qalır.

Qeyd edək ki, İranda qadınların futbol oyunlarına buraxılması qadağandır. Bu səbəbdən FIFA prezidenti Canni İnfantino İran hökumətinə ünvanladığı məktubda qadağanı aradan qaldırmağı tələb edib.