İran Trampı "əyləndirmək" istəyir

Əgər ABŞ neft ixracı sahəsində İrana qarşı sanksiyaları sərtləşdirsə, Tehran Vaşinqtonu cavab tədbirlərlə təəccübləndirə bilər.

İsveçrənin “Basler Zeitung” nəşrinin yazdığına görə, bunu İran xarici işlər naziri Məhəmməd Cavad Zərif deyib.

Bununla belə o, hansı tədbirlərdən söhbət getdiyini açıqlamayıb.

“Donald Tramp sürprizləri sevir. Ona görə də biz onu əyləndirəcəyik”, – deyə iranlı nazir vurğulayıb.

Zərif həmçinin qeyd edib ki, İran xalqı dəstək verincə, Tehran nüvə sazişində iştirakını davam etdirəcək.