İran Bəhreyndə ABŞ-ın hərbi obyektlərinə zərbə endirdiyini bəyan etdi

Gözlənilməz hadisə: İran ordusu Bəhreyndəki ABŞ hərbi bazasına zərbələr endirdiyini açıqlayıb!

Minval.info xəbər verir ki, bu barədə İran ordusunun mətbuat xidməti məlumat yayıb. İddialara görə, zərbələr ABŞ-ın Şeyx-İsa hərbi bazasının kritik infrastrukturuna yönəldilib.

İranın açıqlamasında vurğulanır ki, əməliyyat çərçivəsində pilotsuz uçuş aparatları vasitəsilə ABŞ ordusuna məxsus elektrik generatorları, naviqasiya sistemləri və inzibati binalar hədəf alınıb. Bu, İranın hərbi gücünü nümayiş etdirən bir addım kimi qiymətləndirilir.

ABŞ prezidenti i̇ranla danışıqların bərpası üçün şərtini açıqlayıb

ƏLAQƏLİ

Bunu da oxu

ABŞ prezidenti i̇ranla danışıqların bərpası üçün şərtini açıqlayıb

31.07.2026 - 04:22

Qeyd edək ki, ABŞ-İran münaqişəsi iyulun 8-də yeni bir gərginlik mərhələsinə qədəm qoyub. O zaman ABŞ Silahlı Qüvvələri İran ərazisinə zərbələr endirərək, bunun səbəbi olaraq Hörmüz boğazında bir ticarət gəmisinə edilən hücumu göstərmişdi. ABŞ Prezidenti Donald Tramp həmin gün atəşkəsin dayandırıldığını elan etdi və İran da bunun cavabı olaraq Bəhreyn, İordaniya, Qətər, Küveyt, BƏƏ və Oman ərazilərindəki ABŞ obyektlərinə hücumlara başladı.

Son olaraq, Tramp iyulun 29-da açıqlama verərək, ABŞ-ın İrana qarşı zərbələri davam etdirmək niyyətində olduğunu bildirdi.

Minval.info