“İnstagram” itkin düşən uşaqlar üçün yeni funksiyasını işə salacaq.
AZXEBER.COM xəbər verir ki, “İnstagram” itkin düşən uşaqlar üçün yeni funksiyanı istifadəyə verir.
Bir blog yazısına görə, “İnstagram” Qlobal İtkin Uşaqlar Günü şərəfinə çərşənbə günü yeni funksiyasını istifadəyə verəcək. Bu funksiya istifadəçilərə yaşadıqları ərazidə itkin düşən uşaqlar haqqında bildirişləri görmək və paylaşmaq imkanı yaradacaq.
Yeni funksiya ilə axtarış zonasında olan istifadəçilər üçün “İnstagram” lentində xəbərdarlıq olacaq. Xəbərdarlığa şəkil, təsvir və itkin düşmənin, qaçırılmanın yeri kimi bütün məlumatlar daxil olacaq.
İstifadəçilərə xəbəri yaymaq üçün paylaşım imkanı da tanınacaq.
