İnsanları evdə qalmağa çağırdı, özü avtomobil qəzası törətdi – FOTOLAR

İnsanları evdə qalmağa çağırdı, özü avtomobil qəzası törətdi - FOTOLAR

“Aston Villa”nın kapitanı Cek Qriliş qəza keçirib.

Fanat.Az “The Sun”a istinadən xəbər verir ki, karantin qaydalarını pozan Qriliş martın 28-i səhər saat 8 radələrində qəza törədib. O, “Range Rover” markalı avtomobilini vurub. Şahidlərin sözlərinə görə, Qrilişin avtomobili yol kənarında dayanmış bir neçə avtomobilə ziyan vurub.

24 yaşlı futbolçunun həmin gün partidən qayıtdığı bildirilir. Hadisənin şahidlərindən biri bu barədə məlumat verib:

“Bütün gecəni əyləndilər. Dözülməz idi. Səs-küy yalnız qısa müddət dayandı və səhər saat 8 radələrində toqquşma səsi eşidildi.

Qriliş avtomobilin yanında dayanmışdı. Çaşqın görünürdü. Cek tələsik halda oradan ayrılmağa çalışdığı üçün qalmaqal yaşandı. İnsanlar onu sorğu-suala tutmuşdular”.

Qeyd edək ki, hadisədən bir neçə saat əvvəl ingilis oyunçu video paylaşaraq insanları evdə qalmağa və karantin qaydalarına əməl etməyə çağırmışdı.